Embetet som direktør i Høgsterett er ledig frå 8. januar 2026.
Arbeidsoppgåvene til direktøren er krevjande og varierte. Direktøren leier Høgsteretts juridiske og administrative støtteapparat, med det overordna ansvaret for mellom anna økonomiforvaltning, organisasjonsutvikling, organisering av saksavvikling generelt og personalforvaltning. Vidare har direktøren det overordna ansvaret for Høgsteretts omfattande utoverretta verksemd, både nasjonalt og internasjonalt, og for informasjonsverksemd og tryggings- og beredskapsarbeid i Høgsterett. Det er på alle område eit tett og nært samarbeid mellom høgsterettsjustitiarius og direktøren.
Juridisk embetseksamen eller master i rettsvitskap med gode resultat. Stillinga krev gode leiareigenskapar og relevant erfaring innanfor strategisk leiing.
I tillegg vil det vere ein fordel med:
Det er vidare ønskjeleg med god munnleg og skriftleg framstillingsevne – både på norsk og engelsk – og med stor arbeidskapasitet og arbeidsglede.
Det vil bli lagt stor vekt på personlege eigenskapar.
Norsk statsborgarskap er ein føresetnad for å kunne bli tilsett i embetet. Du må kunne tryggingsklarerast for nivået Strengt Hemmeleg.
For nærare informasjon om embetet kan du ta kontakt med justitiarius Toril Marie Øie eller dommar Bergljot Webster på telefon 22 03 59 00, eller med direktør Bente Kraugerud på mobiltelefon 95 74 75 14.
Kontakt gjerne vår samarbeidspartnar Capus AS. Du kan ta kontakt med Beate Svanes på mobil 918 33 000, e-post beate.svanes@capus.no , eller med Peder Lund på mobil 977 35 088, e-post peder.lund@capus.no
Løn etter avtale og innanfor Statens leiarlønssystem.
Det er eit personalpolitisk mål at arbeidsstaben skal spegle samansetjinga i befolkninga generelt – også når det gjeld kjønn og kulturelt mangfald. Etter at søknadsfristen er gått ut, vil det bli utarbeidd ei offentleg søkjarliste. Vi gjer merksam på at opplysningar om søkjaren kan bli offentleggjorde, sjølv om ein har bede om ikkje å bli oppført på den offentlege søkjarlista. Søkjarar vil i så fall få varsel før offentleggjering.
Høgsterett er landets øvste domstol og har som hovudoppgåve å arbeide for rettsavklaring og rettsutvikling. Høgsterett blir leidd av justitiarius. I tillegg har domstolen 19 dommarembete og eit embete som direktør. Domstolen har vidare ein assisterande direktør, ei juridisk utgreiingseining med 28 stillingar, medrekna utgreiingsleiar og to nestleiarar, og 20 stillingar innan administrasjon og saksbehandling. Det juridiske og administrative støtteapparatet i Høgsterett blir leidd av direktøren. Høgsterett held til i Høgsteretts hus i Oslo.
