Vil du som leiar vere med og utvikle ei verksemd med eit viktig samfunnsoppdrag?

Tolletaten har ein ambisiøs verksemdsstrategi med fokus på utvikling og kontinuerleg forbetring. Vi bidreg til at det skal vere lett å gjere rett, og ved hjelp av etterretning, analyse og ny teknologi skal vi gjennomføre samfunnsoppdraget vårt.

Vareførselsdivisjonen er etablert med hovudkontor i Bergen og består av to stabar - éin styringsstab og éin utviklingsstab - og fem avdelingar: Analyseavdelinga, Brukardialogavdelinga, Oppfølgingsavdelinga, Klassifiseringsavdelinga og Regelavdelinga.

Oppfølgingsavdelinga består av sju seksjonar (lokasjonar i Oslo, Drammen, Bergen, Kongsvinger og Tromsø) og utøver nasjonalt fagansvar for kontroll med inn- og utførsel av varer for næringsliv og privatpersonar. Avdelinga har ansvar for å behandle deklarasjonar og følgje opp verksemder og privatpersonar.

Vi søkjer ein ny seksjonssjef for seksjon Bergen og vil gjerne høyre frå deg som blir motivert av leiarrolla, og som ønskjer å utvikle både medarbeidare og eiga leing. Seksjonen har om lag 15 tilsette, og stillinga rapporterer til avdelingsdirektør og inngår i leiargruppa til avdelinga.

Sentrale arbeidsoppgåver:
Oppfølgingsavdelinga er i gang med å definere eigne ansvarsområde for dei ulike seksjonane.

Denne seksjon skal ha eit særskilt søkjelys på fagområdet etterkontroll. Du vil ha ei sentral rolle i vidareutviklinga av dette fagområdet. Det er ei viktig leiaroppgåve å arbeide for eit godt samarbeid med så vel einingar internt i etaten som eksterne samarbeidspartnarar.

Seksjonssjefen er ansvarleg for at oppfølging og kontroll i den registrete vareførsel blir utøvd målretta og effektivt. Som leiar vil du ha fag-, personal- og resultatansvar for seksjonen.

I periodar kan det vere aktuelt med undervisnings- og foredragsoppgåver, og du må pårekne med noko reiseaktivitet.

Kvalifikasjonskrav:

• Bachelorgrad innanfor det relevante fagområdet. Bestått fordjupingsnivå på Tolletatens kompetansesenter og svært god realkompetanse kan erstatte kravet om fullført bachelorgrad
• Relevant leiarerfaring
• Erfaring med budsjett- og resultatansvar
• Svært god skriftleg og munnleg framstillingsevne

Det er ønskjeleg med

• Erfaring frå organisasjonsutvikling og endringsleiing
• Erfaring frå kontrollarbeid i offentleg verksemd

Vi søkjer deg som

• Har god gjennomføringsevne
• Kommuniserer ope og tydeleg
• Er trygg i leiarrolla og bidreg aktivt i utviklinga av eigen seksjon og leiargruppa i avdelinga
• Bidreg til å skape eit godt og utviklingsorientert fag- og arbeidsmiljø
• Har god heilskaps- og organisasjonsforståing

Leiarplakaten til Tolletaten kommuniserer leiingsprinsipp som er retningsgivande for leiarane våre. Som leiar i Tolletaten er det nødvendig at du løftar blikket, er rollemodell og bidreg til verdiskapande samfunnsvern ved å gjennomføre, utvikle og samhandle. Vidare er det viktig at du har høg integritet, at du har evne til å skape eit godt arbeidsmiljø, og at du er mål-, resultat- og utviklingsorientert.

Vi tilbyr:

• Eit godt arbeidsmiljø med engasjerte medarbeidarar
• Gode høve til utvikling i ein etat med eit viktig samfunnsoppdrag
• Plass i leiargruppa i Oppfølgingsavdelinga, som arbeidar saman om å dei mål som er sett
• Lønn som seksjonssjef, i lønnsspennet 770 000-870 000 kroner, avhengig av bakgrunn og kvalifikasjonar. For særleg godt kvalifiserte søkjarar kan høgare lønn vurderast
• Gode pensjons-, forsikrings- og låneordningar i Statens pensjonskasse
• Fleksibel arbeidstidsordning og høve for trening i arbeidstida
• Arbeidsstad i moderne lokale i Solheimsviken

Du må kunne sikkerheitsklarerast for "hemmeleg" og levere uttømmande politiattest ved tilbod om tilsetjing.

Nærmare informasjon om stillinga får du ved å kontakte Capus v/Peder Lund på tlf. 977 35 088 eller avdelingsdirektør Åge Skår på tlf. 976 99 792.

Bakgrunnssjekk
Vi nyttar Semac bakgrunnssjekk på aktuelle kandidatar.

Krav til søknaden
Fyll ut felta "Utdanning" og "Arbeidserfaring" og last opp relevante vitnemål og eventuelle attestar.

Inkludering og mangfald
I Tolletaten er vi opptekne av mangfald, og vi ønskjer å vere ein inkluderande arbeidsplass som speglar befolkninga. For å kunne utføre samfunnsoppdraget vårt best mogleg treng vi medarbeidarar med ulik bakgrunn, erfaring og kompetanse og med ulike perspektiv. Vi oppfordrar derfor alle kvalifiserte kandidatar til å søkje. Dersom det er kvalifiserte kandidatar med funksjonsnedsetjing, hòl i CV-en eller innvandrarbakgrunn, vil vi kalle inn minst éin søkjar frå kvar av desse gruppene til intervju. For at du skal bli vurdert som søkjar i desse gruppene (bli positivt særbehandla), må du oppfylle visse krav. Du kan lese meir om positiv særbehandling på arbeidsgivarportalen.